[Esai] Tembang Sunda

TEMBANG SUNDA

Unggal poe, teu diditu teu didieu urang pasti sok ngadangukeung tembang. Boh eta ti luar negeri atawa ti negeri sorangan. Boh anu genrena pop, rock, jazz, jeung sajabana. Namung aya hiji hal anu sok katingaleun, nyaeta tembang sunda. Numutkeun artikel anu ku simkuring dipilarian, Tembang teh nyaeta lagu anu boga unsur-unsur seni nyaeta musik jeung sastra anu boga notasi lagu sinareng wiletan.

Namung di jaman ayeuna tembang teh bisa disebut ngaleungit tina kahirupan urang sunda. Naha bet bisa kajadian kawas kitu? Hal ini ieu teh dumasar kana perkembangan tembang anu monoton, eta deui eta deui. Ditambih deui barudak ngora ayeuna mah raresepna kana tembang anu datangna ti luar negeri, ambeh dianggap leuwih gaul. Padahal mah henteu kitu oge. Malahan mah aya paribasa “jelema gaul teh jelema anu cinta kana kabudayaannana”. Tapi angger keneh wae barudak ngora kurang antusias kana tembang sunda teh.

Contona wae jelema-jelema hebat anu ngenalkeun tembang sunda ka dunia internasional. Ditambih deui dunia internasional malah leuwih hormat kana kabudayaan sunda anu hiji ieu. Loba jelema ti negeri-negeri lain jauh-jauh datang ka tanah sunda ngan ukur diajar tembang sunda. Rek teu disebut gaul kumaha. Tapi angger keneh wae urang sundana anu henteu katarik. Jeung deuih masih keneh loba kolot-kolot anu henteu ngenalkeun tembang sunda ka budak-budakna.

Hal ieu teh tangtu jadi matak pikahariwangeun. Budaya anu luhur nu dijieun ku nene moyang urang tereh ngaleungit. Lamun geus ngaleungit meureunan kakara ditareangan. Kukituna anu leuwih hade lamun urang minimal uninga jeung ngahormatan tembang sunda.

Sindy Melisca
XII IPA 2
No. Absen : 28